ថៃ៖ បុរសជនជាតិថៃវ័យក្មេងម្នាក់ ដែលបានអះអាងខ្លួនឯងថា ជាអ្នកមានបារមីភ្នែកទិព្វត្រចៀកទិព្វ បានស្លាប់បាត់បង់ជីវិតក្នុងពេលមួយពព្រិចភ្នែក ដោយសារខុសបច្ចេកទេស ពេលកំពុងសម្តែងរបាំប្រពៃណីបែបសាសនា ចាក់ខ្លួនឯងមួយដាវស្រួចចំកណ្តាលដើមទ្រូង។ ហេតុការណ៍នេះបានកើតឡើង កាលពីរសៀលថ្ងៃច័ន្ទ ទី២៤ មេសា ឆ្នាំ២០១៧កន្លងទៅ។ នេះបើយោងតាមប្រភពព័ត៌មានដេលីម៉ែល បានចុះផ្សាយ។
គ្រូបារីខាងលើនេះ មានឈ្មោះថា លោក Theprit Palee អាយុ២៥ឆ្នាំ ត្រូវបានអញ្ជើញឲ្យមកសម្តែងក្នុងពិធីមួយនៅក្នុងខេត្តឈៀងម៉ៃ ភាគខាងជើងប្រទេសថៃ ដើម្បីបង្ហាញនូវរបាំបែបប្រពៃណីថ្វាយដល់វិញ្ញាណខ័ណដូនតាដែលបានស្លាប់ទៅ។
ក្នុងគ្រាដែលសម្តែងនោះលោក Theprit បានយកដាវចាក់ទ្រូងរបស់គាត់ តែទំនងជាការសម្តែងខុសបច្ចេកទេស ទើបជួបរឿងអាក្រក់បែបនេះ។ ក្រោយកើតហេតុ គ្រូបារមីនេះ ត្រូវបានគេបញ្ជូនទៅសង្គ្រោះបន្ទាន់ប៉ុន្តែជាអកុសលគាត់បានដាច់ខ្យល់ ស្លាប់បាត់ទៅហើយមុនទៅដល់មន្ទីរពេទ្យ។
តាមរយៈការលើកឡើងរបស់អ្នកស្រុកម្នាក់ឈ្មោះ Noom Udorn បានឲ្យដឹងថា នេះមិនមែនទើបតែជាលើកទីមួយ សម្រាប់ការសម្តែងរបស់គាត់ឡើយ។ ជាក់ស្តែង លោក Theprit ធ្លាប់បានសម្តែងសម្រាប់ពិធីបុណ្យសាសនាមួយនេះ អស់រយៈពេលជាច្រើនឆ្នាំមកហើយ ប៉ុន្តែមិនដែលជួបគ្រោះអកុសលដូចលើកនេះឡើយ។ លោកថា «វាគឺជាពិធីបុណ្យបែបប្រពៃណី ដែលតែងតែរៀបចំធ្វើឡើងជារៀងរាល់ឆ្នាំ។ រាល់ដងពេលដែលគាត់យកដាវចាក់ដើមទ្រូងរបស់គាត់ ដាវនោះតែងតែបាក់ តែលើកនេះបែរជាមិនបាក់ ហើយបុកចូលទៅក្នុងដើមទ្រូងរបស់គាត់ទៅវិញ» ៕
ទស្សនាវីដេអូខាងក្រោម៖
ប្រភព : KHMERLOAD
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon