អ៊ុយក្រែន៖ ថ្មីៗកន្លងទៅនេះ មាននារីម្នាក់រាំគ្រលែងត្រគៀកតាមចិញ្ចើមផ្លូវ បណ្តាលឲ្យមានគ្រោះថ្នាក់ចរាចរណ៍កើតឡើង។
ហេតុការណ៍គ្រោះថ្នាក់ចរាចរណ៍មួយកើតឡើង នៅពេលនារីម្នាក់កំពុងរាំគ្រលែង និងគ្រវីខ្លូនប្រាណតាមចិញ្ចើមផ្លូវ បណ្តាលឲ្យបុរសម្នាក់បើកម៉ូតូមួយគ្រឿងតាមដងផ្លូវចាប់អារម្មណ៍មកលើនាង តែដោយសារភ្នែករវល់មើលស្រីស្អាតរាំ មិនបានមើលមុខ ក៏ជ្រុលទៅបុករថយន្តទំនើប BMW ដែលកំពុងបើកបរបញ្ច្រាសទិសគ្នាយ៉ាងពេញទំហឹងតែម្តង។
ក្រោយកើតហេតុ បុរសរងគ្រោះបានដេកដួលនៅនឹងថ្នល់ តែសំណាងល្អ មិនបានមានគ្រោះថ្នាក់ដល់ជីវិតទេ ប៉ុន្តែបានរងរបួសចង្កេះ និងបាក់ជើង។
វីដេអូដែលថតឡើងនេះ ត្រូវបានបង្ហោះចែកចេញបន្តពេញវេបសាយយូធូប ដែលគេបានដឹងថាមានទីតាំងនៅក្នុងប្រទេសអ៊ុយក្រែន និងទទួលបានការទស្សនាយ៉ាងច្រើន ក្រោយពីបង្ហោះកាលពីថ្ងៃអាទិត្យសប្តាហ៍មុន៕
សូមទស្សនាវីដេអូខាងក្រោម៖
ប្រភព : KHMERLOAD
ConversionConversion EmoticonEmoticon