ចិន៖ វីដេអូឪពុកយំអោបសពកូនប្រុស ធ្វើឲ្យអ្នកទស្សនាតាមប្រព័ន្ធអ៊ីនធើណែតមានការតក់ស្លុតក្នុងចិត្តយ៉ាងខ្លាំង។ តាមរយៈបទយកការណ៍មួយបានបង្ហាញថា ហេតុការណ៍មួយនេះបានកើតឡើងនៅក្នុងខេត្ត Liaoning ប្រទេសចិន។
បើយោងទៅតាមសារព័ត៌មាន SETN ឯណោះវិញ បានឲ្យដឹងថា ដើមហេតុនៃករណីមួយនេះ គឺដោយសារឪពុកខឹងកូនប្រុសដែលញៀននឹងការលេងទូរស័ព្ទពេក។ ព្រោះតែគាត់ (ឪពុក) ចង់ឲ្យកូនឈប់លេងទូរស័ព្ទ និងផ្តល់ជាមេរៀន ក៏បានកញ្ឆក់យកទូរស័ព្ទពីដៃកូនប្រុសរបស់ខ្លួន ហើយគ្រវែងចេញតាមមាត់បង្អួច។ ហេតុការណ៍នឹកស្មានមិនដល់ក៏បានកើតឡើង ព្រោះក្មេងប្រុសនោះបានហក់តាមបង្អួច តាមចាប់ទូរស័ព្ទសំណប់ចិត្តរបស់ខ្លួន ជាហេតុបណ្តាលធ្លាក់ដីស្លាប់នៅនឹងកន្លែងតែម្តង។
តាមរយៈវីដេអូ គេអាចមើលឃើញបុរសជាឪពុកកំពុងតែយំអោបសពកូន ដែលទើបតែរៀនថ្នាក់អនុវិទ្យាល័យរូបនេះ ទាំងក្តីអាឡោះអាល័យ និងវិប្បដិសារី ហើយស្រែកខ្លាំងៗថា “កូនប្រុស ... ឯងល្ងង់ពេកហើយ”។
បន្ទាប់ពីវីដេអូមួយនេះត្រូវបានចែកចាយពាសពេញក្នុងបណ្តាញសង្គមរួមមក វាក៏បានក្លាយជាប្រធានបទដ៏សំខាន់សម្រាប់ពួកគេ។ អ្នកលេងអ៊ីនធើណែតម្នាក់បានបញ្ចេញគំនិតថា “យុវជនម្នាក់នេះ បានប្រើប្រាស់ក្តីស្រលាញ់របស់ឪពុកម្តាយ ដើម្បីដាក់ទោសទៅលើពួកគេ”។
អ្នកលេងអ៊ីនធើណែតម្នាក់ទៀតបានសរសេរថា “គេបានហក់ទៅស្លាប់តាមទូរស័ព្ទដៃរបស់គេហើយ។ តើឪពុកម្តាយរបស់គេនឹងរស់នៅដោយរបៀបណា?”។
ផ្ទុយទៅវិញ មានបងប្អូនមួយចំនួនគិតថា ហេតុការណ៍មួយនេះ នឹងមិនកើតមានឡើងទេ ប្រសិនបើឪពុកមានភាពអត់ធ្មត់ និងមិនឆេវឆាវដល់ថ្នាក់គ្រវែងទូរស័ព្ទចេញតាមបង្អួចបែបនេះ។
ទោះជាយ៉ាងណា អាជ្ញាធរកំពុងធ្វើការស៊ើបអង្កេតចំពោះហេតុការណ៍មួយនេះ ស្របពេលដែលឪពុកម្នាក់នេះ កំពុងរស់នៅជាមួយនឹងវិប្បដិសារី និងកំហុសឆ្គងដែលមិនអាចអត់ទោសឲ្យខ្លួនឯងបានអស់មួយជីវិត៕
សូមទស្សនាវីដេអូខាងក្រោម៖
ប្រភព : KHMERLOAD
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon